Sheria Mpya ya Habari ni Hatari Zaidi - Wahariri

Baadhi ya Wahariri waandamizi wa habari wa ndani na kimataifa wamesema, sheria mpya ya Huduma za Vyombo vya Habari ni hatari zaidi kwa kuwa inaminya zaidi vyombo vya habari nchini.

Hayo yameelzwa wakati wahariri hao wakiijadili sheria hiyo ambapo wamesema sheria hiyo ni mbaya licha ya kuwa sasa sheria inayolalamikiwa kuwa mbaya zaidi ya magazeti haitatumika tena na kuwataja wanahabari nchini kubuni njia mpya ya kuwatetea wananchi.

Katibu wa Jukwa la Wahariri nchini Tanzania Bw. Neville Meena amesema wangependa kuona mahakama ndicho kinakuwa chombo cha juu cha kutoa haki pindi mwandishi wa habari na chombo cha habari kinapo kinzana na sheria kuliko ilivyo sasa ambapo viongozi wa wizara wamepewa mamlaka makubwa ya maamuzi kuhusu vyombo vya habari.

Wahariri hao wamevitaka vyombo vya habari nchini Tanzania kutekeleza majukumu yao kwa kuzingatia sheria hiyo iliyopitishwa hivi karibuni wakati wakisubiri kutolewa kwa mapendekezo ya kurekebishwa kwa vipengele ambavyo vinalenga kuondoa uhuru wa habari.

Bonyeza Play Hapa Chini Kuona Walichofanya Bilnass na Rosa Ree: Soma Hizi Habari Zetu Kirahisi Kupitia Application ya Simu ya Udaku Special, Bonyeza HAPA