Waitara Ahoji Vituo Vidogo vya Polisi Kufungwa Saa Kumi na Mbili Jioni

Mbunge wa Ukonga jijini Dar es Salaam Bw. Mwikwabe Mwita Waitara, amehoji sababu za jeshi la polisi kufunga vituo vidogo vya polisi saa kumi na mbili jioni, wakati ambao uhalifu unaombatana na uporaji unapoanza kushamiri katika maeneo mengi ya kijamii.

Akizungumza katika mkutano wa hadhara uliofanyika eneo la Pugu Kajiungeni, Bw. Waitara amesema kitendo cha jeshi la polisi kimesababisha kushamiri kwa matukio hayo na kuleta hofu kwa wananchi, hivyo ameahidi kufuatilia suala hilo kwa Waziri wa Mambo ya Ndani Mhandisi Charles Kitwanga.

Katika mkutano huo, Mbunge huyo aliwaeleza wananchi hatua anazochukua kwa kushirikiana na Manispaa ya Ilala kutanzua changamoto mbalimbali katika sekta za elimu hususan upungufu wa madawati na vyumba vya madarasa pamoja na kuimarisha huduma kwenye sekta za afya na maji.

Bonyeza Play Hapa Chini Kuona Walichofanya Bilnass na Rosa Ree: Soma Hizi Habari Zetu Kirahisi Kupitia Application ya Simu ya Udaku Special, Bonyeza HAPA